Tuesday July 14, 2020  |    | 

रियल मड्रिडका पूर्व अध्यक्षको कोरोना भाइरसका कारण मृत्यु

khalipati - 2020 Apr 23 07:47 PM
IMG
एजेन्सी – स्पेनिस क्लब रियल मड्रिडका पूर्व अध्यक्ष लोरेन्जो सान्जको कोरोना भाइरसका कारण निधन भएको छ ।

कोरोना भाइरसको संक्रमण भएपछि अस्पताल भर्ना भएका रियल मड्रिडका पूर्व अध्यक्ष ७६ वर्षका सान्जको शनिबार निधन भएको हो ।

उनी सन् १९९५ देखि २००० सम्म रियल मड्रिडको अध्यक्ष थिए । सो अवधिमा रियल मड्रिडले दुईपटक च्याम्पियन्स लिग फुटबलको उपाधि जितेको थियो ।

सान्जको निधनबारे उनका छोरा लोरेन्जो सान्ज दुरानले ट्वीट गरेर जानकारी दिएका हुन् ।

सान्जका छोरा फेर्नान्डोले ९४६० सन् १९९६ देखि १९९९ सम्म रियल मड्रिडबाट खेलेका थिए । त्यसपछि उनी सात वर्ष मालागाबाट खेले ।